Samkóp - Samtök foreldrafélag og foreldraráða í Kóapvogi

Fundargerð stjórnar SAMKÓP.

Fundur haldinn miðvikudaginn 8. nóvember 2007 kl. 18:00 í Hörðuvallaskóla.

Mætt voru: Björn Arnarson (BA), Erlendur Geirdal (EG), Hrefna Gunnarsdóttir (HG) og Pétur Valdimarsson (PV).

Eftirfarandi var til umræðu á fundinum:

Samantekt frá fulltrúa foreldra í skólanefnd - Fyrirliggjandi var samantekt frá fulltrúa foreldra í skólanefnd, Rannveigu Ásgeirsdóttur (RÁ), auk fundargerðar skólanefndar frá 15.10.2007.

Í fundargerðinni segir:

-„ Skólanefnd felur fræðsluskrifstofu að leggja fram hugmyndir á næsta fundi um möguleika á að bæta kjör og starfsumhverfi starfsfólks Dægradvala að höfðu samráði við forstöðukonur Dægradvala.

- Lagt fram erindi, dags. 14. október 2007, frá kennara við grunnskóla Kópavogs, vegna launamála.”

Fulltrúa foreldra (RÁ) er falið að spyrjast fyrir um stöðuna í skólum bæjarins, þ.e. hvort tekist hafi að manna öll störf, hvert sé hlutfall leiðbeinenda miðað við kennara með réttindi auk upplýsinga um væntanlegt brotthvarf kennara t.d. vegna barneignaleyfa. SAMKÓP telur mjög mikilvægt að fundin verði leið til að gera kennslustörf við grunnskóla Kópavogs eftirsóknarverð.

Í sömu fundargerð segir:

- „Lagt fram yfirlit frá fræðsluskrifstofu yfir kostnað foreldra og skólanna vegna vettvangsferða skólaárið 2006-2007. Skólanefnd leggur áherslu á að slíkar ferðir haldi áfram sem þáttur í fjölbreytilegu skólastarfi. Skólanefnd ítrekar að skólarnir skilgreini vettvangsferðir betur með hliðjón af kennslu. Málinu vísað til áframhaldandi úrvinnslu á fræðsluskrifstofu.“

Stjórn SAMKÓP telur mjög mikilvægt að fundin verði leið til að þessar ferðir þurfi ekki að leggjast af.

Hugsað um barn - Niðurstöður könnunar hjúkrunarfræðinema

Umræður um verkefnið og erindi sem HG barst frá ÓB ráðgjöf þar sem meðal annars er sagt frá niðurstöðum könnunar tveggja hjúkrunarfræðinema á verkefninu. Telja nemarnir að verkefnið sé góð viðbót við þá kynfræðslu sem fram fer í grunnskólum landsins.

Ákveðið að senda kynningu á foreldrafélögin og taka málið síðan til umræðu á fulltrúaráðsfundi SAMKÓP í janúar 2008.

Forvarnafulltrúi Kópavogs / samstarfshópur um forvarnir

Fundur verður í næstu viku í samstarfshópnum.

Höndlaðu hamingjuna á unglingsárunum - fréttir af samstarfsaðilum

BA hefur kannað jarðveginn og mun hafa samband við aðila á næstunni.

Tölvupóstur SAMKÓP - uppsetning á netfangahópum - svörun tölvupósts ofl.

Mikið berst af ruslpósti á samkop@samkop.is og nauðsynlegt að kanna hvort þjónustuaðili getur sett upp síu. Stofna þarf hópa sem SAMKÓP sendir reglulega á. Ákveða þarf hvort hægt sé að áframsenda skeyti til formanns eða hvort einhver (t.d. ritari) taki að sér að fylgjast með pósthólfinu reglulega.

Ritara falið að athuga þessi mál.

Foreldrarölt – fréttir af því hvernig þátttaka er í röltinu

Fréttir frá RÁ í skólanefnd varðandi erindi um röltið á norrænni ráðstefnu í okt.

Umræðum frestað.

Önnur mál
- Fyrirlestur um leiðbeinandi samskipti á vormánuðum. - Umræða um að stefna skuli að því að halda fyrirlestur fyrir alla foreldra í bænum seinna í vetur. Hugmyndir ræddar um að leita til dr. Sigrúnar Aðalbjarnardóttur og Hugos Þórissonar varðandi fyrirlestur um uppeldisaðferðir – sjá umfjöllun Hugos.
- Tengingar við foreldrafélög leikskólanna - Rætt um að hafa samband við félögin til að kanna áhuga á samstarfi t.d. vegna kynninga og aðra foreldrafræðslu, auk þess sem SAMKÓP gæti stuðlað að því að samstarfsvettvangur verði til milli foreldrafélaga við leikskóla Kópavogs.
BA ætlar að kanna þessi mál.

Næsti fundur verður 4. des´07 kl. 18:00 í Smáraskóla.

Fundi slitið um kl. 19:15. - EG

Til baka í fundargerðayfirlit