Fundargerð stjórnar SAMKÓP.

Fundur haldinn miðvikudaginn 30. apríl 2008 kl. 18:00 í Hörðuvallaskóla.

Mætt voru: Anna María Sigurðardóttir (AMS), Björn Arnarson (BA), Erlendur Geirdal (EG), Hrefna Gunnarsdóttir (HG), Pétur Valdimarsson (PV) og Rannveig Ásgeirsdóttir (RÁ).

Eftirfarandi var til umræðu á fundinum:

Undirbúningur aðalfundar – Aðalfundurinn verður haldinn þann 19. maí 2008, kl. 20:00 í Snælandsskóla.

Tveir stjórnarmeðlimir ganga úr aðalstjórn og þarf að kjósa í þeirra stað til tveggja ára. Tvo þarf að kjósa í varastjórn til eins árs. Jafnframt þarf að kjósa fulltrúa foreldra í skólanefnd til tveggja ára.

BA og HG munu að hafa samband við nokkra aðila og hvetja þá til að gefa kost á sér á aðalfundinum.

Björn talar við Hugo um fyrirlestur í tengslum við aðalfundinn.

Samþykkt að leggja fram tillögu að breytingu á lögum SAMKÓP – sjá viðhengi.

Auglýst verður í Kópavogspóstinum, slagorð og auglýsing um aðalfundinn, einnig hvatningargrein um foreldraröltið í lok samræmdu prófanna.

PV mun gefa kost á sér sem fundarstjóri og EG sem ritari.

Karl Schiöth lýkur seinna árinu sem skoðunarmaður reikninga og þarf því að kjósa nýjan. HG mun bjóða sig fram í embættið.

Ingibjörg Birna Ólafsdóttir verður ár í viðbót.

Þann 5. maí verða send út fundarboð bréflega og í tölvupósti á formenn foreldrafélaga og 14. maí verður fundarboð birt í Kópavogspóstinum og jafnframt sent út á minning á foreldrafélögin í tölvupósti. Jafnframt verður það birt á heimasíðum Kópavogsbæjar og SAMKÓP.

Önnur mál – Rætt um bréf sem til stendur að senda til foreldra vegna næturlokunar svæðisstöðvar lögreglunnar í Kópavogi. Samþykkt að senda bréf út til foreldrafélaganna.

Rætt um framkomna tillögu á fulltrúaráðsfundi varðandi fræðslu frá samtökunum “Blátt áfram”. Fundarmenn voru sammála um að skoða næsta haust möguleika á fræðslufyrirlestri sem yrði opinn öllum foreldrum, kennurum og starfsmönnum skólanna og í raun öllum þeim sem starfa með börnum.

Fundi var slitið um kl. 19:30. - EG

Til baka í fundargerðayfirlit