Samkóp - Samtök foreldrafélag og foreldraráða í Kóapvogi

Fundargerð stjórnar SAMKÓP.

Fundur hófst kl. 18

Mættir: Björn Arnarson / Hörðuvallaskóla, Pétur Valdimarsson / Lindaskóla, Anna María Sigurðardóttir / Hjallaskóla, María Helen Eiðsdóttir / Vatnsendaskóla, Kristín Egilsdóttir / Kópavogsskóla, Hafdís Björk Þorsteinsdóttir / Salaskóla og Erlendur Geirdal / Smáraskóla.

Fjarverandi: Varamennirnir Reynir Stefán Gylfason / Digranesskóla og Valdís Arnarsdóttir / MK.

Eftirfarandi var til umræðu á fundinum:

1. Fundargerð aðalfundar
Farið var yfir fundargerð aðalfundar.

2a. Fundarefni á fundum fyrir foreldra allra skólabarna í Kópavogi
Ákveðið að halda sama skipulagi og sl. vetur og vera með tvo fundi fyrir foreldra á haustönn.

Fyrsti fundur: Í viku 39 (24. eða 25. september). Ákveðið að Björn biðji Helgu Margréti Guðmundsdóttur frá Heimili og skóla að vera með kynningu.
Fundarefni: breyting á lögum og starfi foreldra og starf bekkjarfulltrúa.

Annar fundur: Í viku 43. Ákveðið að biðla til Blátt áfram um að vera með kynningu. Björn hefur samband.

2b. Fundartímar stjórnar Samkóp
Ákveðið að funda sem hér segir:

- Vika 38, fimmtudagur 18/9. Funda í Vatnsendaskóla. María Helen sér um að fá heimild til að funda í skólanum.

- Vika 42, fimtudagur 16/10 í Kópavogsskóla. Kristín sér um að fá heimild hjá stjórnendum til að funda í skólanum.

- Vika 46, fimmtudagur 20/11 í Smáraskóla. Erlendur sér um að ræða við stjórnendur skólans og fá heimild til að funda í skólanum.

3. Foreldrarölt
Samráðsfundur lögreglu fyrir fulltrúa frá öllum foreldrafélögum í Kópavogi verður 15. september. Gert ráð fyrir að 2 fulltrúar mæti frá hverjum skóla auk fulltrúa ITK og forvarnarfulltrúa. Anna María sendir áminningu um fundinn til allra skóla.

4. Rætt um fundi skólanefndar Kópavogs

5. Slagorð Samkóp í vetur
Rætt um að efna til samkeppni um slagorð meðal grunnskólanemenda í Kópavogi og veita verðlaun fyrir besta slagorðin í hverjum skóla. Allir fundarmenn komi með tillögur á næsta fund um hvaða efni eigi að búa til slagorð fyrir, s.s. samstarf heimilis og skóla, forvarnir, skólastarf.

6. Verkefni vetrarins
Rætt um að setja betur niður áherslur vetrarins. Allir komi með hugmyndir, annað hvort í tölvupósti eða inná næsta fund stjórnar.

7. Listi á heimasíðu Samkóp yfir stjórnir foreldrafélaga
Allir stjórnrmenn kanni hvort upplýsingar um stjórn í sínum skóla séu réttar og sendi Hafdísi, upplýsingar um breytingar eða staðfestingu á að allar upplýsingar séu réttar, fyrir 5. september.

Fundi slitið

Til baka í fundargerðayfirlit